беларуская  русский  english

Нацыянальная Грамадзкая Камісія

Ідэя НГК

Артыкулам 3 Канстытуцыі прадугледжана, што ў выпадку дэфармацыі ўлады, здрады нацыянальным інтарэсам, ператварэньні яе ў ворган прыгнёту народа, народ мае натуральнае права абараніць сваю годнасьць і гонар, сваю свабоду, Закон і Канстытуцыю. НГК ўзьнікла як ворган самаабароны народа ад здрадніцкага, карумпаванага, незаконнага дыктатарскага рэжыму Лукашэнкі і дзейнічае на прынцыпах самаарганізацыі.

Задачы НГК

  1. Давядзеньне інфармацыі да выбаршчыкаў пра Народнае галасаваньне, як спосаб абвяшчэньня 19 сакавіка 2006 г народнага імпічманту Лукашэнку.
  2. Забеспячэньне збору бюлетэняў рэжыму і давядзеньне вынікаў Народнага галасаваньня да грамадзтва.
  3. Распрацоўка тактыкі і арганізацыя агульнанацыянальных акцыяў па адхіленьні Лукашэнкі ад улады.
  4. Спрыянне перадачы ўлады Часоваму Ўраду.

На першапачатковым этапе каардынацыйныя функцыі НГК ўзяла на сябе Ініцыятыўная група Зянона Пазьняка.

Канстытуцыя Рэспублікі Беларусь

Артыкул 3. Адзінай крыніцай дзяржаўнай улады ў Рэспубліцы Беларусь з’яўляецца народ. Народ ажыццяўляе сваю ўладу непасрэдна і праз прадстаўнічыя органы ў формах і межах, вызначаных Канстытуцыяй.

Любыя дзеянні па дасягненню дзяржаўнай улады гвалтоўнымі метадамі, а таксама шляхам іншага парушэння законаў Рэспублікі Беларусь караюцца згодна з законам.